Regalo

nasumpungan ko ito habang nag-aayos ako ng mga lumang gamit at nagbubuklat ng mga notebook na ginamit ko nung nag-aaral pa ako sa kolehiyo.Kung hindi ako nagkakamali, nabasa ko ito sa isang magazine na hindi ko na maalala ang pangalan.
-------------------------------------------------------------------------------------

Maraming mga mag-asawa ang nag-iisip na ang kasal ay nagbibigay sa kanila ng karapatan magmay-ari sa kanilang kabiyak katulad ng pagmamay-ari nila ng radyo, ref. o kalan. Subalit ang mag-asawa ay hindi pag-aari ng isa't-isa; sila ay pinagkaloob sa isa't-isa.Nananatili ang kanilang pagkakakilanlan. Ayon nga kay Kahlil Gibran, isang manunulat sa Lebanon, " Sa Templo ang mga haligi ay nag-iisang nakatayo, at dahil nga dito nagagawa nilang dalhin ang magandang kisame.". Masdan mo ang mga simbahan o malalaking gusali; ang mga haligi ay hindi magkakalapit, o kaya'y magkakadikit. Ang mga ito ay itinayong may agwat. Maging sa kalikasan ay mayroong pagpaparaya at pagtitiwala. Ang malalaki at magagandang puno ay hindi nabubuhay sa lilim ng isa't-isa. Ang lilim ay sumusunod sa paglaki, sa hugis at sukat ng puno.
Ang tunay na pag-ibig ay nangangailangan ng pagitan, habang kinikilala mo ang diwa ng pansariling kalayaan ng iyong asawa, Lalo ka niyang matatanggap na isang malaya at malugod na regalong ibinigay sa kanya.